تمره !!والعجم مايحويهاا

يا تاج سلطان المشــــــاعر جمه

يامن تقلد منصب الحـــــــكم فيها

واليافعي نـــــــثر ورده ولمـــــه

ما ثبتت الا وردة (ن) يا مغويها

شيخه وقلبي قبل مايضمني ضمه

ياعنتر الحب, وادق معانيــــــها

همه لهمي وغمي لغمـــــــــــــه

يادرة الروح , ملكها وساميــــــها

دمه لدمي ودمي يسري لدمــــــه

واليا ادمعت عينه , عيني تجاريها

احبه , كثر ماحبـــــــي يهـــــــمه

وكثر مالرضيـــــع لمـــــــه يبيها

شيدنا قصر(ن) محال(ن)هدمــه

ساسه الحب والعشق اراضيـــها

واليا انطرى في السواليــف اسمه

جفت روحك ليل(ن) ونا ساريها

ولو مت يبقى عضمي يضم عضمه

ويبقى رفاتي في قبره يحاكيـــــــها

سكان قلبي ما هم الا نســـــــــمه

يداعب عروق دمــــــــي ويسليها

حبك شامخ (ن) قمـــــه على قمه

مثل النسور تعيش في ذراويــــها

والعذال , لا تنزعج من اي رجمه

ويش يضر السمــــأ يوم ترميــها ؟

واللي يمس اي موطن من جســـمه

قسم بالله ذراعه لأ لويـــــــــــــــها

انا احسم الأمر لو محال حســــمه

انا ذيب الليــــالي وعاويـــــــــها

انا شعب بكثره وحجــــــــمـــــه

انا قبيله بالمراجل طاريــــــــــها

والقصد, مااهو بالفخر ولا عمه

لكن احذر , قبل ما اسويـــــــها

والدنيا من غير دلعه عتــــــــمه

يا مر حياة (ن) شيـــخه ما فيها

وبصمته ماهيه نفس اي بصمــــه

غير, يومها من اصابع ايــــــديها

وكل بصمه درس(ن) صعب فهمه

حتى المباحث ما قدرت تسميــــــها

وكل كلمه بالحب منه حكمــــــــه

وكل جملــــــه سنــــــه نقتديهـــا

وكل ما ينطق لسانه بكلمـــــــــه

تتبعها نبضات قلـــبي بلبـــــــيها

تميز بين العرب في وســـــــمه

عذرى, وضيعت باقي عذاريها

اخاف ارسمـــه وما جيـد الرسمه

ينهد البنى,كل ماقلت ابنيــــــــها

من نعس عينه ولا حدة خشــمه

ولا الشعر كساب سود لياليهـا

نازل على الامتان لين قدمـــه

ونور القمر في الليل يناجـــيها

والوجن أخاذ(ن) من لون دمه

كنها ورود مفتــــحه في روابيها

واسنان حلجه البياض والبريق عمه

برق الغيوم وبياض الثلج من فيـــها

ولون الفراوله على باب فمــــــه

شفايفن ,والاحمرار يكسيــــــــها

بريئ الملح طفولي البســـــــمـه

والخصر فيه اختصــــار بلاويــها

القمر من عقبها قال انــا ظلمـــه

والشمس منها تغير وصارت تجافيها

اشله بكفي من نجمه لنــــــــجمه

واتركه مع النجوم في معاليــــهـا

واليا نزل علىالارض, مطر رحمه

بالدلع والترف قام يســـــــقيــــــها

كل ماقلت بنســـى الحب يمــــــــه

قلت : لا لا انا ابيها وابغيــــــــها

واليا رمى الرامي في السما سهمـه

ردت سهومه من حيث يرميــــــها

تجذب الارض كل ما لرامي رمـه

وتجذبني كل ماقلت اجـــــافيــــها

لكل تمرة (ن) في الجوف عجمه

وهو تمره , والعجم ما يحويــــها

نزلت عليه من السمـــــا نعمـــــه

احمد الله خالقــــــها وباريـــــــها


وسواالم

بقلمي

والسمووحه عالقصور والكســور

هههههه يااهي من حاله مااشي ردووود الله كريم ^_^

صـَح لسـانك شاعرنـا
بس صدق القصيـدة انت كاتبهـا ؟؟

واليافعي نـــــــثر ورده ولمـــــه

ما ثبتت الا وردة (ن) يا مغويها

إبـداع بصراحـَة ، يعطيـك العافيـَة شاعرنا
وصح لسـانك عَ الأبيـات الرائعـة .. لا هـِنت

فـي إنتظـار جديدك

‘

صح بدنك ومااعليك زوود ^_^

وليه يعني اسرق قصيدة غيري وتراني اناا ماانزلتهاا الا هني وشي منتدى ثااني اناا فيه مشرف ^_^

وصرااحه هالمنتدى ابدااع وربي بس نااقصه الاعضااء وناا ادري انه توه يديد انت حااول تجمع ربعك وسو اعلانات واسحبلك نااس من القيمزر واا ..الخ

وانشاء الله لهاا المنتدى مستقبل زااهر

تحيااتي لك يالخوي <<

ما شاء الله عليك يا خو شما والله اني مب مصدقه
.
.
والله شاعر ما شاء الله عليييك مشكور ع هاي القصيده ونتريا قصايد يديده من صوبك خوي ^^